Waroeng Tegal

Warteg utawi warung tegal , inggih menika salah satunggaling papan sadèan ingkang nyediakaken dedhaharan khas kabupaten Tegal. Warung ingkang asring dipun temokaken wonten kota ageng menika kondhang sanget. Warung ingkang lair saking astanipun para perantau asal dhaerah kabupaten Tegal menika panci sampun nglebur kaliyan kauripan masyarakat wonten ing kutha gedhe. Warteg kadosta sampun dados bilik egaliter ingkang pundi strata sosial saking maneka golongan menapa kemawon dhahar wonten ing setunggal bangku kayu dawa kang kanthi mboten mentingaken isin lan gengsi. Warteg kondhang amargi warungipun ingkang nyediakaken kathah masakan ananging regi-regi dhaharan kaliyan ombènanipun langkung mirah kaliyan warung sanésipun. Warteg dipun anggep kaliyan masyarakat mawi warung ingkang merakyat amargi mboten namung kalangan wong cilik mawon ingkang mampir warteg, ananging ugi saking tiyang sugih.

Warteg,utawi warung Tegal

Warteg umumipun langkung saged dipun panggihi wonten ing dhaerah se-Indonesia,mliginipun wonten ing pulau Jawa. Kutha ingkang paling kathah cacahipun warteg ingkang pinanggihan inggih menika kutha Jakarta. Sesanèsipun wonten ing Indonesia, wonten ugi warteg ing nagari manca. Ananging wonten setunggal perkawis ingkang dados geguyon wonten ing kasunyatanipun. Nalika enggal-enggalané warteg kondhang wonten ing jamane,kathah tiyang wonten ing dhaerah-dhaerah sanes sami tepang kaliyan ingkang dipun namani warteg, malah tiyang Tegal piyambak mboten mangertosi menapa ingkang dipun wastani warteg. Justru tiyang-tiyang dhaerah sanes ingkang ngertos. Nanging sakmenika,sampun kathah tiyang Tegal ingkang nyemplung wonten ing tlatah bisnis per-Warteg-an menika.

Sejarah Warteg

Sejarah warteg saged dipunruntut saking maneka versi. Menawi saking pacelathonipun saking tiyang-tiyang kathah,sejarah warteg dipun wiwiti antawis taun 1970-1980-an. Nalika semanten,wonten ing kutha gedhe,mliginipun Jakarta,saweg pliket sanget anggenipun nggiyaraken pembangunan (Jakarta).Kathah proyek pembangunan ingkang dipun lampahaken dening pemerintah rikala menika. Proyek ingkang saweg dipun lampahaken njalari efek berganda ("multiply effect")dhumateng para pekerja (tukang ,kuli) wonten jumlah kathah. Para pekerja Proyek menika umumipun sarana ngiyup ingkang dipun namani "bedeng-bedeng" sawetawis wonten ing sekitar proyek.Perkawis sanes ingkang dipun raosaken dening para pekerja inggih menika kabetahan konsumsi ingkang saged kamot biaya: mirah lan kathah. Peluang menika lajeng dipun ginakaken dening warga Tegal ingkang manggen wonten ing ibukota. Kelompok imigran asal Tegal miwiti usahanipun kagem nyediakaken layanan kuliner wonten ing caket lokasi proyek. Para perantau menika saged nyediakaken maneka warni produk ingkang mirah lan kathah,ingkang lajeng dados setunggal stereotip Warteg ingkang tinepang samenika.

Di kutip dari Wikipedia